Бид та бүхэнд дата инженеринг, архитектурын анхны Монгол компани үүсгэн байгуулагдсаныг мэдэгдэхэд таатай байна.

Сүүлийн жилүүдэд асар хурдтай хөгжин тэлж байгаа дата салбар дэлхийг бүхэлд нь өөрчилж, бидний урьд өмнө нь дурын хүн ашиглана гэж төсөөлөө ч үгүй байсан хиймэл оюун ухаанууд датаны хүчээр бий болж хүмүүсийн өдөр тутмын амьдралд нэвтрээд удаагүй байгаа билээ. Дэлхийн бүхий л байгууллагуудын удирдлагууд зөвхөн датан дээр суурилсан шийдвэр гаргалт хийхийг илүүд үзэж, байгууллагын санхүү, маркетинг, хүний нөөц гээд бүх хэлтсүүд төдийгүй дээрээс доош бүх түвшинд дата дээр суурилан ажиллаж байна.

Манай улсын хувийн болон төрийн байгууллагууд ч энэхүү глобал чиг чиг хандлагатай хөл нийлүүлэн алхаж, датаныхаа бүрэн боломжийг нээснээр урт хугацааны амжилтад чухал нөлөө үзүүлэх юм. Бидний гол зорилго бол Монголын дата салбарыг дэлхийтэй хамт хөгжих үйл хэрэгт хувь нэмрээ оруулж, хамгийн шинэлэг, хамгийн инновацилаг цогц дата менежментийн B2B үйлчилгээг мэргэжлийн өндөр түвшинд үзүүлэхэд оршино.

Дата менежмент консалтингийн үйлчилгээний үр дүнд байгууллагууд илүү ухаалаг шийдвэр гаргах, үйл ажиллагааны асуудлуудаа тодруулах, гүйцэтгэлийг оновчтой болгох, хүн цаг болон бодит санхүүгийн зардлаа хэмнэх, бүтээмж болон үр ашгаа дээшлүүлэх, өрсөлдөөний давуу талаа нэмэгдүүлэх, тогтвортой өсөлтийг дэмжих, урт хугацааны стратегиэ тодорхойлох зэрэг маш олон давуу талууд бий болно. Итгэмээргүй сонсогдож байгаа биз? гэхдээ энэ үнэн гэдгийг танд баттай хэлье. Ийм ч учраас топ байгууллагууд датандаа асар их хөрөнгө оруулалт хийсээр байна.

Багийн хувьд Г.Гүен миний бие Финланд, Хонг Конг, Их Британи улсуудын үндэстэн дамнасан корпорациудад дата мэргэжилтнээр ажиллаж байсан туршлагатай ба бусад багийн нөхөд ч дээрх орнуудын олон жилийн туршлагатай дата мэргэжилтнүүд юм. Мөн бид Монгол байгууллагуудад дата менежментийн үйлчилгээ үзүүлэхээс гадна олон улсын дата төслүүдийн аутсоурсинг үйлчилгээ үзүүлдэг.

Бид түүхий өгөгдлийг үнэ цэнтэй хөрөнгө болгон хувиргаж, бизнесүүдэд өрсөлдөөнт орчинд урагшлах боломж, төрийн байгууллагуудад алдаа мадаггүй төгс гүйцэтгэлийг санал болгоно.

Цаг зав гарган уншиж танилцсанд баярлалаа. Бид танай байгууллагатай хамтран ажиллаж датаны ид шидийг үзүүлэхдээ баяртай байх болно.

Хүндэтгэсэн Г.Гүен